Нашата позната пејачка, водителка, писателка и професорка Сузана Турунџиева на својот инстаграм – профил сподели фотографија од Универзитетска клиника за радиотерапија и онкологија во Скопје со цел да пренесе моќна порака до сите оние кои на момент се незадоволни од своите животи, а се комплетно здрави.
На фотографијата е прикажано едно уметничко дело на уметницата Андријана Мациев, чиј живот прерано згасна по борбата со тешката болест. Ова уметничко дело кое Андријана го наслика беше создадено за пациените кои се лекуваат на оваа клиника, уште пред таа да биде пациент на истата клиника.
View this post on Instagram
„Ако често пати сте незадоволни од вашиот живот, мислите дека тој е неправеден, нефер, и дека баш вие сте невиден баксуз, малер, а сите други се посреќни од вас, ви предлагам барем 2 пати во годината да отидете и да прошетате низ ходниците во клиниката за онкологија, па откако ќе излезете од таму да знаете зошто треба секојдневно да се заблагодарувате ЗА СЕ ШТО ИМАТЕ наместо да кукате за она што го немате.
п с. Прекрасната Андријана Мациев, која немаше среќа да ја победи битката со опаката болест стана бесмртна и продолжи да живее на овој ѕид, во еден од ходниците за кои ви зборував“ – напиша Сузана во описот на фотографијата.
View this post on Instagram
Во 2020 на роденденот на Андријана ѝ беше дијагностициран рак кој метастазирал на коските и црниот дроб. Мината година пак, по солга борба со хемотерапии и зрачење, уметницата токму на својот роденден објави со радост дека одлично се чувствува, а потоа следуваа и изложби и работа на сопствената книга на оваа тематика. Книгата остана недопишана.
