49-годишната актерка Софија Вергара проговри за нејзината реакција кога дознала дека има рак во доцните дваесетти години за време на хуманитарен настан во саботата.
View this post on Instagram
„На 28 години за време на рутински преглед, мојот лекар почувствува грутка на вратот. Потоа, направија многу тестови и конечно ми рекоа дека имам рак на тироидната жлезда. Кога си млад и го слушаш зборот „рак“, умот помислува на многу работи, но се обидов да не паничам и решив да се образувам”, вели таа.
„Прочитав многу книги и открив сè што можев за тоа. Имав среќа што го фативме рано и имав поддршка од моите лекари и што е најважно, од моето семејство. Научив многу за тоа време, не само за ракот на тироидната жлезда, туку и научив дека во време на криза, подобри сме заедно“.
Вергара тогаш ги истакна многуте начини на кои светот се здружи во текот на минатата година, од научници кои соработуваат за вакцини против КОВИД-19, па се до активисти за социјална правда кои се залагаат за поправедна иднина.
„Подобри сме заедно и ако сакаме да ставиме крај на ракот, тоа ќе бара тимски напор“, заклучи таа.
