Познатиот холивудски актер Овен Вилсон, кој го засакавме преку улогата во некои од најпопуларните комедии, има три деца со три различни жени, а неговите фанови ги шокираше веста дека тој својата најмлада ќерка никогаш не ја запознал.
Тоа го откри неговата поранешна девојка Варуни Вонсвиратес за Дејли Мејл.
– Никогаш не ја запозна Лулу. Тој помага само финансиски, но тоа никогаш не ни било потребно. Лулу има потреба од татко. Иронично е тоа што Овен постојано во филмовите глуми татко, а сопствената ќерка никогаш не ја ни запознал, изјави таа.
Варуни на актерот му порача дека би требало да издвои време за својата ќерка.
– Би требало да ја гледаш својата ќерка. Неверојатна е, многу пропушташ. Изгледа токму како и ти, истакна и таа.
Да се потсетиме, славниот актер на почетокот не ни веруваше дека Лулу е негова ќерка, па бараше ДНК тест. Но, кога беше докажано дека и е татко, на судот изјави дека не сака старателство над девојчето. Славниот актер контактот со синовите од претходните две врски уредно ги одржува.
