И покрај тоа што веќе некое време се зборува за заладените и заострени односи меѓу членовите на кралското семејство, Кејт Мидлтон и Меган Маркл се чини дека се поблиски од кога било, судејќи според изјавите на анонимните дворски извори.
Според извор кој разговарал со „Us Weekly“, војвотките размислуваат за соработка со „Нетфликс“
„Меган и Кејт всушност многу добро се согласуваат и се често во контакт. Меган разговараше со неа за соработка на проект за „Нетфликс“- документарен филм кој ќе ја истакне добротворната работа на Кејт и огромното влијание што го има со нејзината филантропија”, рекол изворот.
View this post on Instagram
Наводно, Кејт е воодушевена и поласкана од понудата на Меган и верува дека тоа е чекор во вистинската насока кон градење посилни односи со нејзината снаа.
Да потсетиме, принцот Хари и Меган потпишаа договор со „Нетфликс“ минатата година и се согласија да произведат ексклузивна содржина, вклучувајќи документарци, филмови и емисии за деца и возрасни.
