Сосед од Загреб ја пријавил пејачката Северина во полиција, бидејќи наводно фрлала со јајца кон него, пренесуваат хрватските медиуми.
Како што пренесува порталот 24сата.хр, соседот на Северина рекол дека свежи јајца „му се цеделе низ маицата и панталоните“, а тој случајот го пријавил во полиција.
Северина дала изјава во полиција, а како што е наведено понатаму, за време на интервенцијата пејачката изјавила дека „воопшто не знае за какви јајца зборува комшијата“ и дека за тоа време „ручала на маса со своето семејство“.
Сепак, нејзиниот сосед потврди дека и покрај овој случај тој и претходно имал проблем со пејачката.
„Некој ми ги извади брисачите од автомобилот. Се сомневам кој би можел да биде, но нема да кажам“, им се доверил на своите пријатели во една прилика истиот сосед, кој живее на Козјак, Загреб, на иста адреса каде што живее и пејачката.
