Познатата пејачка Ели Гудинг (32) во јавноста позната и како бивша девојка на принцот Хари, на луксузна церемонија се омажи за трговецот со уметнички дела, Каспар Џоплинг.
На венчавката во Јорк меѓу другите познати гости присуствувале и глумецот Орландо Блум и Кејти Пери, принцезата Еугенија со сопругот, а иако се очекувало нивното доаѓање, војводата и војвотката од Кембриџ венчавката сепак ја пропуштиле, како и принцот Хари и Меган Маркл.
Најголемо внимание предизвика уникатната венчаница на Ели, која ја дизајнирала модната куќа „Клое“, а како што пренесуваат странските медиуми, биле потребни 640 часа за рачно да се изработи.
И изборот на накитот апсолутно се вклопува во нејзиниот рок-стил. Трите обетки со детали во вид на бисери и впечатливи прстени одлично се вклопиле со уникатниот фустан.
