Дарио Роквиќ со години живее во Канада, но остана исклучително близок со браќата Никола и Марко. За нивната слога, тој вели дека најзаслужна е токму сопругата на Маринко.
Покојната легенда на народната музика, Маринко Роквиќ, пред бракот со Славица беше во врска со извесна Мила, со која го доби синот Дарио. Иако никогаш не биле во брак, пејачот без двоумење го призна својот вонбрачен син и остана во близок контакт со него до последниот ден.
Средба која му го променила животот
Дарио, кој денес е остварен родител и татко на два сина, Ромео и Матео, во една прилика се присети на првата средба со својот татко:
„Мајка ми ми кажа дека одиме да го запознаам татко ми. Бев возбуден, беше преубаво. Кога се здогледавме, тој ме гушна и ме бакна. Следниот пат се видовме во Белград кога имав девет години и тогаш веќе бев поопуштен“, раскажа Дарио.
„Славица ме прифати како свој“
Иако многумина очекуваа комплицирани односи во семејството, ситуацијата кај Роквиќ е сосема поинаква. Дарио е многу близок со своите браќа Никола и Марко, а за таа нераскинлива врска јавно ѝ се заблагодари на вдовицата на Маринко, Славица Роквиќ.
„За тоа што сме вакво ‘тројство’, можеби најзаслужна е нивната мајка Славица. Ме носеше со нив на летување, на новогодишните настапи на Маринко… Секоја ѝ чест, некој друг не би ме прифатил така“, искрено истакна Дарио.
Гордоста на Маринко
Според неговите зборови, на легендарниот пејач една од најголемите радости му била токму слогата меѓу неговите наследници.
„Беше многу горд на сите нас, на тоа што го постигнавме и какви родители сме за нашите деца. Голема работа е што сме блиски. И моите, и децата на Марко и Никола се дружат и се сакаат“, заклучи Дарио Роквиќ во едно од своите интервјуа за медиумите.
