Рокерот Џон Бон Џови има едно мото кога е во прашање љубовта – на сцена е рок-ѕвезда, а дома е посветен сопруг и татко.
Тој е веќе 30 години во брак со неговата сопруга Доротеа со која има четири деца. Рокерот вели дека никогаш не зажалил што избрал приватно да биде сопруг, а не рок-ѕвезда.
Во 1989 година, тој се оженил со својата средношколска љубов во Лас Вегас. Многу обожавателки тогаш тагувале, но тоа не го поколебало во неговата одлука. Бон Џови и денеска е среќен со семејниот живот.
Неговите колеги, на негови години веќе се женеле и разведувале и по неколкупати.
„Тоа не е за мене. Го разбрав бракот и првиот пат“, одговара тој.
За својата сопруга вели дека таа е „лепилото“ што ги држи нешата на место. Иако многумина мислеле дека тој брак нема да потрае, Џон Бон Џови и Доротеа низ годините го докажаа токму спротивното.
