Македонскиот бенд Cyrillic направи ремикс на песната Proud со која во Тел Авив не претстави Тамара Тодевска, а песната сега е објавена и на YouTube каналот CDeep, канал кој важи за еден од најголемите музички канали за Deep House музика.
Автори на оригиналот се Дарко Димитров, Роберт Билбилов и Лазар Цветкоски, на текстот Коста Петров, а новиот ремикс звучи сосема поинаку од оригиналот. Да се потсетиме оригиналот го доби првото место од стручното жири на Евросонг.
Оваа верзија на Proud е опишана како „вистинско освежување“ и „летен хит“ од фановите на deep house музиката. За неполни 24 часа песната достигна 19.000 прегледи на YouTube.
