Една од најценетите актерки во Турција, но и пошироко, Бену Јилдирмар, на нашата публика позната по улогата на Фикрет Текин од серијата „Кога лисјата паѓаат“, на Инстаграм сподели фотографија од 1991 година и откри како изгледала како 20-годишна девојка. Доколку судиме според коментарите и комплиментите кои нејзините обожаватели и ги доделија, тие се воодушевени од нејзиниот изглед.
Иако за неколку дена ќе го прослави 50-от роденден, актерката токму со оваа фотографија докажа дека годините се само бројка.
Минатата година таа престојувала во Сараево и во ексклузивниот разговор за порталот „Азра“ таа открила досега непознати факти за ликот кој и ја донесе најголемата слава, своето семејство и животот во Турција, а и поврзаноста помеѓу неа и ликот на Фикрет. Таа исто така открила дека нејзината 18-годишна ќерка тргнала по стапките на мајка ѝ, но и татко ѝ кој исто така е актер.
