Иако со години се шушкаше за тајната врска меѓу познатата пејачка Барбара Стрејсенд и британскиот принц Чарлс, таа дури сега јавно го призна тоа. Имено, таа во текот на неодамнешниот концерт во „Huge Park“ неколку пати го спомена принцот.
„Доколку картите одиграа како што требаше, јас ќе бев првата принцеза еврејка“, се пошегува Барбара која веќе 21 година е во среќен брак со сопругот Џејмс Бролин.
Да се потсетиме, Барбара и Чарлс се запознале 1974 година на сетот од филмот „Funny Lady“, а деталите од нивната романса, која дури сега е потврдена, се објавени во книгата на авторот Кристофер Андерсон од 2016 година.
Во книгата пишува дека принцот Чарлс на млади години бил лудо заљубен во пејачката, па дури и ја посетувал на снимањата. Наводно се гледале дури и кога тој бил во брак со Диана, но тоа никогаш не е потврдено.
