Рита Ора не престанува да го привлекува вниманието со секоја своја изјава или објава на социјалните мрежи, ниту пак со својата појава.
Овојпат таа открила дека кога поминува време со мајка ѝ, дури и спие во ист кревет со нејзе, но и колку ѝ значи тоа што може со принцот Хари да разговара за приватни теми.
„Луѓето сакаат да знаат нешта за мојата приватност, а јас тоа го прифаќам. Но, она што го научив за љубовта е дека не ми е приоритет во моментов, ниту па ќе биде во скоро време“, истакнала таа.
Пејачката изјавила дека секогаш многу се вљубува и дека не може да си помогне да не ја изгуби главата.
Исто така, Рита е и пријателка со принцот Хари и за него вели дека секогаш е тука да ја слуша кога зборува или да ѝ даде совет кога ѝ е потребен.
Кога е осамена, ја бара мајка си. Вели, таа ја потсетува дека е безбедна и дека секогаш ќе ја има нејзината грижа и поддршка, дури и сега, кога е веќе самостојна и возрасна.
