Во 2001 година по разводот со Том Круз, Никол Кидман ја толкуваше Вирџинија Вулф во „The Hours“. Актерката откри дека страдала од депресија за време на снимањето на филмот. Многу работи тогаш, пред речиси две децении, се поклопија со Никол, па вели дека тогаш била како сунѓер што ги впива мислите на самоубиствениот лик.
View this post on Instagram
Филмот ја прикажува борбата на Вулф со менталното здравје додека ја пишува „Госпоѓа Даловеј“, како и нејзиното самоубиство со давење во река во 1941 година. Тоа било сцена која Кидман инсистирала да ја сними сама, без каскадерка, изјави актерката за радиото на „Би-Би-Си“.
Зборувајќи за таа сцена во „The Hours“, Кидман рече: „Не знам дали некогаш помислив дека е опасно, верувам дека бев целосно во мојот лик. Ги ставив камењата во џебовите и отидов во реката. И така повторно и повторно. Веројатно не ни помислив дека може да биде ризично“.
(ФОТО+ВИДЕО) НИКОЛ КИДМАН ПОВТОРНО МЕТА НА КРИТИКИ: До каде со ботоксот?
„Значи, идеите на Вирџинија, мислам, протекоа низ мене, токму кога бев целосно отворена за такви мисли. И мислам дека Стивен (Далдри, режисерот на филмот) беше многу нежен кон мене затоа што го знаеше тоа. Бев целосно отворена за да можам да го разберам ликот што го глумам, но тоа е, во суштина, убавината на актерскиот живот“, изјави Кидман.
„The Hours“ во кои Кидман глумеше покрај Мерил Стрип и Џулијан Мур ѝ донесе Оскар за најдобра актерка.
View this post on Instagram
