Колекцијата за мажи пролет-лето 2019 на Divaio е во трендовиски бои – пудра, светло жолта, небесно сина и праска во комбинација со неутрални тонови, како и во риги или во морнарски стил. Мажите ќе можат да изберат одела, кошули, чевли како и модни детали, во кои ќе се чувствуваат удобно, ќе бидат елегантни и модерни за секој дел од денот или настан.
„Divaio е микс на различни селектирани брендови за мажи. Кај нас љубителите на модата можат да се облечат пред сè во квалитетна гардероба. Оваа сезона нашата палета нуди „business-casual“ стил на облекување. Секој маж може да избере модерни кошули, сакоа, одела, елечиња, џемпери, панталони, чевли, како и аксесоари. Сакаме како што е нашето мото, мажите да бидат модерни, елегантни и со стил“ вели Синиша Станковски, сопственик на брендот Divaio.
Матурантите или апсолвентите кои сакаат за нивниот настан да изгледаат беспрекорно, да изберат модерни и корисни парчиња облека кои ќе дадат печат на нивниот стил и имиџ.
„Искрено, ние би им препорачале оваа година да изберат трендовска облека, свежа и свечена, поточно изборот да е комбинација од кошула, сако, пантолони во разни бои, искомбинирани со модни детали како што се џебно марамче, часовник, дезенирани чорапи. Со ваков стил и комбинација тие ќе се чувствуваат различни, модерни и удобни. Најмалку би им препорачал да бидат класични, да ги избегнуваат темните бои и вратоврски, затоа што треба овој ден да им биде запаметен, да бидат со позитивна енергија и кул стајлинг“ додава Станковски.
Брендот Divaio се наоѓа во Градски трговски центар на првиот кат. Во декември ќе одбележат две години од своето постоење и со тоа ќе ја презентираат нивната капсулна колекција која ќе ја креираат заедно со познат македонски моден дизајнер.
