Холивудскиот актер Мет Дејмон (49) веќе некое време е „заглавен“ во Европа. Всушност, кога настанала кризата од пандемијата тој бил во Далкиј, мирно предградие на Даблин, каде го снимал својот нов филм, а поради забраната за патување бил приморан да остане во Ирска.
Познатиот актер дал интервју за двајца ирски новинари, во кое признал дека моменталната ситуација го плаши, а открил и дека неговото семејство се соочува со вирусот.
Како што раскажал тој, неговата ќерка Алексија (21) била заразена со вирусот, а низ оздравувањето поминала без своето семејство, со оглед на тоа дека таа студира во Њујорк, а Мет во Ирска бил придружуван од сопругата Лусијана и ќерките Изабела, Џија и Стела.
„Таа имаше Ковид19 многу рано, заедно со своите цимери, но помина. Сите се добро“, рекол Мет.
Тој исто така напоменал да се почитуваат мерките и сите да бидат внимателни.
