Во интервју за „Гардијан“, мултимедијалната уметница Марина Абрамовиќ ја коментираше врската со Улеј, кого го нарекува љубов на нејзиниот живот и искрено одговараше на прашања за интимните односи и зошто никогаш немала деца.
„Улеј беше љубовта на мојот живот. И тогаш ме тужеше. Беше страшно – изгубив. Бев неверојатно лута. Но, тогаш еден ден ги отворив очите и реков: Добро, изгубив. Што е следно? Потоа имаше простување. Почина во 2020 година и ја имавме оваа прекрасна последна година од неговиот живот кога всушност станавме пријатели. Беше прекрасно чувство бидејќи гневот е отровен, не само за другата личност, туку и за себе. Сега се сеќавам на Улeј со нежност“, рече таа за починатиот уметник.
Денес, пред нејзиниот 75-ти роденден, таа има момче дваесет години помладо од неа, со кое ужива во интимните односи.
„Сексот е многу важен за мене. Тоа отсекогаш било така! Многу луѓе мислат дека по менопаузата жените повеќе не се занимаваат со секс. И за мене, сексот во менопауза стана уште подобар затоа што не треба да се грижите за несакана бременост. Сега имам дечко кој е помлад од мене 21 година. И тоа е фантастично! Немам апсолутно никаков проблем со тоа што сум сексуално многу активна. Ме прави среќен. Сексот го гледам како неопходен животен баланс, со добра храна, хумор и радост”, заклучи таа.
Уметничката порано рече дека никогаш не сакала да има деца и дека имала неколку абортуси. Таа истакна дека верува дека мајчинството ќе ја уништи нејзината кариера како уметник.
„Имате една енергија во вашето тело и ако вашата енергија е поделена помеѓу да се биде уметник и мајка, во одреден момент едно од тие две ќе страда. Сите мои пријатели ме викаа да им бидам кума на нивните деца и тоа е прекрасно. Исто така, и сите мои ученици се мои деца. И навистина сум горда на нив“, рече таа.
