Мараја Кери страда од биполарно пореметување на личноста, познато како манична депресија, кој погодува повеќе од 24 милиони луѓе во светот, а меѓу нив се наоѓаат и бројни познати ѕвезди кои отворено зборувале пред медиумите за својот проблем.
Мараја Кери, Деми Ловато и Бебе Реџа се само некои од нив кои се изјасниле дека боледуваат од оваа хронична состојба, што ја карактеризира промена на расположението, склоност кон тешки депресии и психотичност.
На Мараја Кери биполарно пореметување на личноста ѝ е дијагностицирано во 2001 година. По неколку емотивни и професионални крахови конечно побарала лекување и вели дека добро се чувствува.
„Се опкружувам со позитивни луѓе околу себе и го работам она што го сакам, пишувам песни и правам музика“, рекла Мараја.
Успеала да го надмине чувството на осаменост и сфатила дека не е единствената која болува од ментална болест.
