„Стефанија“ од оркестарот Калуш, претставници на Украина, победи на Евровизија 2022. Но зад оваа песна се крие животна приказна, еве кому песната е посветена.
Оркестарот Калуш победи на Изборот за песна на Евровизија 2022 година што се одржа во Торино во сабота на 14 мај. Украинската група триумфираше со песната Стефанија која ја освои публиката, поточно благодарение на телевоунтингот. Всушност, благодарение на гласовите од публиката, оркестарот Калуш успеа да стигне до врвот на листата и да ги престигне Обединетото Кралство, Шпанија и Шведска. Украина, инаку, со недели пред самиот почеток на Евровизија беше меѓу фаворитите за победа во финалето. Ајде да дознаеме кому му е посветена песната, која е инспиративната муза на оркестарот Калуш.
Стефанија е Стефанија Псјук, мајка на Олех Псјук фронтменот на оркестарот Калуш, која е од Украина и има околу 60 години. Пејачот на 8 мај објави фотографија на која е покрај неговата мајка. Тој реши да ја сподели снимката со обожавателите затоа што на ист ден во Украина се славеше Денот на мајката и Денот на сеќавањето и помирувањето во еден многу драматичен период, период на војна.
На фотографијата Олег Псјук прикажува црвени булки, симбол на денот. А инспирацијата за песната која ја освои Евровизија 2022 е родена токму од мајка му, Стефанија.
Првично, песната Стефанија беше своевидно писмо полно со љубов посветено на мајката на Олех Псјук, но потоа беше трансформирана во химна на сите мајки на бомбардираната нација.
View this post on Instagram
Песната започнува со дете кое гледа како остарела неговата мајка. Неколку реплики будат носталгично чувство кон минатото и кон ликот на мајката: „Полето цвета, но таа станува сива / Пеј ми мамо приспивна / Сакам да го слушнам твојот мајчин збор“. Како типични народни рими, овој дел изгледа поромантичен и идеализира трагична ситуација.
Во стихот, каде што е употребен посовремен рап, има многу пореален приказ на настаните. Се зборува за тешкотиите да се биде мајка. Се чини дека нема поддршка за мајката, која се труди максимално да го воспита своето дете. Нараторот сфаќа дека нивната мајка направила многу за нив и дека тие секогаш ќе ѝ се враќаат: „Ме потресе; ми даде ритам и моќ на волјата; не зеде, туку даде“.
Мајката на Олег беше интервјуирана од еден украински весник и рече дека не ја дели страста за рапот со нејзиниот син: „За мене тоа беше неразбирливо, имаше врисоци. Отсекогаш мислев дека тоа е само хоби и моето мислење беше дека мојот син ќе влезе во политиката. Тој е голем патриот “. Во интервјуто мајката објаснила и дека водачот на оркестарот Калуш ѝ помага на украинската војска на фронтот.
Песната Стефанија оркестарот Калуш ја претстави на украинските национални избори за Евровизија 2022. Мајката на Олег, првично не мислела дека песната ќе помине на изборот, напротив се надевала дека одличен резултат би бил ако се пласира меѓу осумте најдобри. За време на селекциите, мајката на Олег го изненади својот син, момент кој стана вирален – имено, по нивниот настап, оркестарот Калуш се врати во бекстејџот, а таму Стефанија го прегрна својот син пред камерите велејќи дека е многу горда на тоа што го направиле.
Присуството на мајката беше вистинско изненадување за уметникот. Всушност, водачот на оркестарот Калуш објасни дека телефонски разговарал со мајката муза на песната Стефанија и дека ќе го поддржела од дома. Во реалноста жената веќе била присутна во бекстејџот подготвена да му приреди пријатно изненадување на синот.
