Познатата поп пејачка Бритни Спирс, на својот Инстаграм профил објави крај на бременоста поради спонтан абортус.
Пејачката и партнерот Сем чекаат дете од минатиот април. „Нашата взаемна љубов е нашата сила. Ќе продолжиме да го шириме нашето прекрасно семејство“, пишуваат во објавата.
Бритни Спирс објави дека ја изгубила бременоста поради спонтан абортус. Добитничката на Греми на Инстаграм објави порака во која на своите обожаватели им го соопшти крајот на бременоста.
„Тоа е поразителен момент за секој родител – коментира таа – можеби требаше да го чекаме моментот кога ќе бевме побезбедни, но бевме многу среќни што ја објавивме добрата вест. Нашата взаемна љубов е нашата сила. Ќе продолжиме да го шириме нашето прекрасно семејство “.
Пораката ја потпишаа Сем и Бритни. Сем Асгари, личен тренер со иранско потекло, кој пристигна во САД на 12-годишна возраст, веќе шест години е партнер на пејачката.
Бритни во април објави дека е бремена. За време на тужбата да се ослободи од законското старателство на нејзиниот татко, Спирс откри дека сака син. Пејачката веќе има две деца со поранешниот сопруг Кевин Федерлајн.
