Ким Кардашијан, како и секогаш, сè што прави – прави на големо, па за да го прослави роденденот на пријателка, избрала да го користи својот приватен авион како локација. Во прашање е пријателката Натали Халкро, модел и добро познато лице на канадската телевизија, како и блиска пријателка на Кардашијан.
За да го прослави 34-от роденден на Натали, Ким ги поканила во својот авион славечничката и уште една пријателка, Оливија Пирсон, исто така модел и ТВ лице.
Трите шоу-девојки ја овековечија забавата со снимки објавени на Инстаграм, на кои позираат во розови пижами од марката Skims, основана токму од поранешната сопруга на Канје Вест.
Кардашијан неодамна беше во центарот на вниманието поради нејзиниот претстоен развод од познатиот рапер Канје Вест но и поради новата врска започната со со комичарот од Saturday Night Live, Пит Дејвидсон. Во последно време се почести се јавните појавувања на парот.
