Најпозната кантри пејачка, Доли Партон го напиша својот прв роман, кој следната година ќе биде објавен од „Пингвин рандом хаус“.
„Трчај, Рози, Трчај“, е насловот за романот чија тема ќе биде млада жена која се сели во Нешвил за да ги оствари своите соништа за создавање музика, и е напишана во тандем од Партон и Џејмс Патерсон. Ќе биде објавена во 2022 година.
View this post on Instagram
Партон ќе издаде истоимен албум заедно со книгата, составен од 12 оригинални нумери. Таа вели дека новите песни „се напишани врз основа на ликовите и ситуациите во книгата“ и нивните текстови исто така ќе бидат прикажани во романот.
View this post on Instagram
„Беше чест и многу забавно, да се работи со неповторливата Доли Партон“, рече Патерсон, кој има продадено повеќе од 300 милиони книги. „Она што воодушевува во врска со овој проект е дека читањето на романот се подобрува со слушање на албумот и обратно. Тоа е навистина уникатно искуство“.
Извор: „Гардијан“
