Ако им поверуваме на приказните, Наташа Беквалац може да ја исполни желбата на многу актерки и да стане новата Бонд девојка.
Имено, се шпекулира дека „Барби“ од Нови Сад се пријавила за кастинг за новиот филм за славниот агент, а извор близок до пејачката открил како изгледало тоа: „Ната неодамна беше на Ибица со своите сестри и таму, случајно, се сретна со британски филмски агент во хотел, кој ѝ предложи да се пријави за улога во една од најпознатите филмски франшизи во светот.“
„Британецот ѝ откри дека во новиот филм Бонд ќе заведува девојки од цела Европа и дека една од нив ќе биде од Балканот. Кога Ната му рече дека веќе се испробала како актерка во некои серии, како и во една претстава, тој ѝ рече обавезно да се пријави на кастинг во Белград. Не ѝ вети улога затоа што професионални актерки се пријавија на аудицијата, но ја советуваше да даде сè од себе за да ја изберат неа“, вели изворот.
Изворот откри дека таа наводно добила одговор од филмски агент.
„Ната му испрати биографија и фотографии и неодамна доби одговор со датумот и местото на аудицијата. Тој напиша дека ако се најде во потесниот избор, ќе мора да помине низ друг кастинг што ќе се организира на крајот на годината во Лондон и објасни дека улогата нема да биде голема, но неа може да ѝ биде отскочна даска за кариера во странство “, вели изворот.
Извор: „Mondo“
