Размислете во какво расположение се разбудивте утрово, а потоа сетете се и што облековте.
Сте забележале ли дека многу често избирате бои на облека според моменталното расположение? Во тој случај добро е да знаете и дека со изборот на боја можете и да го промените и да влијаете врз тоа како се чувствувате.
Ова го тврди британскиот психолог Керолин Мер, која го препорачува следново:
1. Ако сте нервозни, Мер советува да избегнувате облека со црвена боја и наместо тоа да се одлучите за сина или зелена. За потпол изглед може да изберете и розови или нежно портокалови бои кои во себе содржат што помалку црвени тонови.
2. Ако сте тажни, во овој случај црвената боја ќе ви помогне да се наполните со енергија и веднаш да го подобрите расположението.
3. Ако сте изморени, спротивставете се со интензивна портокалова. Оваа боја носи доволно црвени тонови, а во исто време потсетува и на лето и топлина. Сепак, не ризикувајте да личите на морков и комбинирајте само едно парче или моден детаљ со оваа боја.
4. Ако сте лути и под стрес, обидете се со пастелни тонови на сина, зелена и беж. Овие бои може да придонесат да се разведрите и да воспоставите рамнотежа на емоциите.
