Актерот и шоумен Игор Џамбазов на својот Инстаграм профил постојано објавува фотографии од неговиот приватен живот. Се сеќава на минатото, поздравува пријатели, поддржува и бодри свои соработници.
Денес Игор ја објави и последната заедничка слика со дедо му Петре Прличко, баба му Нада и неговите родители Александар и Анче.
„Последната заедничка фотографија…1993…тато, мама, баба и дедо 5-ре…“, напишал Игор како опис на фотографијата.
„На едно место се легендите на македонската уметност. Најубавата слика што некогаш си ја објавил. Некогаш ќе заврши на аукција и ќе достигне голема цена“, напиша еден негов обожавател.
Коментари доби и од неговите пријатели од естрадата меѓу кои Калиопи и Тамара Тодевска.
