Повеќето приходи на славниот рапер, продуцент и претприемач, дошле од неговиот удел во компанијата Beats која произведува слушалки, а која гигантот Apple ја купи во 2014 за неверојатни 3 милијарди долари.
Форбс традиционално објави листа на најплатени ѕвезди во годината, но и онаа на деценијата. Оваа година втор пат во 5 години, на прво место на годишната листа на Форбс се најде пејачката Тејлор Свифт, која заработила дури 185 милиони од новиот албум и турнеја во 2019 година, но на листата на деценијата, сепак се најде хип-хоп легендата Доктор Дре.
Интересно е тоа што тој не памти кога последен пат бил на турнеја, а последниот сопствен студиски албум го издал во 2015 година. Сепак, во последните 10 години заработил скоро милијарда долари (950милиони), а Тејлор се најде на второто место со 825 милиони долари.
Повеќето приходи на славниот рапер, продуцент и претприемач, дошле од неговиот удел во компанијата Beats која произведува слушалки, а која гигантот Apple ја купи во 2014 за неверојатни 3 милијарди долари.
Бијонсе на 3-то место заработила 685 милиони долари, четврти по заработка се ирските рокери U2 со 675 милиони долари, на 5-то место е раперот Диди со 605 милиони, а во топ 10 се најдоа Елтон Џон (565 милиони), Пол Меккартни (535 милиони), Кети Пери (530 милиони) и Лејди Гага (500 милиони).
