Актерот Харисон Форд (78) повторно ќе ја одигра улогата на Индијана Џонс во петтиот и последен филм од серијата авантури на бестрашниот археолог, што се очекува да биде во киносалите во 2022 година, официјално објави Дизни и ги изненади обожавателите.
„Ние сме во фаза на пред-продукција за новиот и најнов филм за Индијана Џонс и секако лично за Инди, Харисон Форд се враќа да го заврши патувањето на таа легендарна фигура“, изјави претседателката на Лукасфилм, Кетлин Кенеди, на конференцијата организирана од Дизни.
На местото на режисер ќе застане Џејмс Менголд (Логан, Ле Ман66), кој ќе го замени Стивен Спилберг кој беше префрлен во продукција.
Снимањето ќе започне во пролетта 2021 година, а филмот се предвидува да се појави во кино-салите во јули 2022 година.
Инаку во 2016 година, Дизни го објави крајот на авантурата на Индијана Џонс филмот првично закажан за 2019 година, но проектот беше одложен поради несогласувања меѓу продуцентите, сценаристите и Стивен Спилберг.
