Својата нова избраничка тој брзо ја запозна со децата од пропаднатиот брак со Џенифер Гарнер, родителите, пријателите, а веќе започнаа и заедно да живеат…
Актерот бен Афлек (48) на почетокот на годината ја започна врската со младата актерка Ана де Армас. Од згодната Кубанка тој сега не се одделува, а парот сега со еден потег ги загреа тврдењата дека наскоро се подготвува и венчавка.
Дека е лудо заљубен во 32-годишната Кубанка, која ја нарекуваат Софија Лорен на новото време, Бен не крие полни 11 месеци, колку што тие се во врска, Својата нова избраничка тој веднаш ја запозна со децата од пропаднатиот брак со Џенифер Гарнер, со родителите, пријателите, а веќе започнаа и заедно да живеат.
Чекор по чекор, изгледа дека дошло и до „клучното прашање“. Се шушка дека Бен Афлек клекнал на колена со судбинското прашање, бидејќи на раката на Ана е воочен голем дијамантски прстен.
За време на снимањето на новите сцени од филмот „Deep watеr“ во кој играат заедно, Афлек и Армас буквално уживаат поминувајќи го времето заедно, користејќи го секој слободен момент, а кога камерите ќе згаснат, тие разменуваат нежности.
Така папараците ги фотографираа на балконот во Њу Орлеанс, каде се снима филмот, во романтична прегратка, бакнежи и страсни погледи. Освен тоа, вниманието го украде и споменатиот прстен, за кој се уште не се знае дали е накит од сетот или 48-годишниот актер повторно решил да се жени.
