За песната „Буквално“ рече дека е нејзина автобиографска, и дека е прва песна од нејзиниот нов живот. Пејачката Ивона Јо, го промовираше својот нов потенцијален хит на српски јазик пред бројни пријатели, колеги, медиуми и семејството.
Моќниот глас на Ивона доминира во оваа песна која а автобиографска, а во спотот, пет жени ги глумат нејзините најизразени чувства изминатиов период: тага, среќа, бес, самокритичност и его. Ивона се расплака додека го гледаше спотот, а потоа, на водителот на промоцијата и на сите присутни им рече дека ова е нејзина приказна и таа како личност не сака биде ништо поразична од она што е сега.
Во време кога врсничкиот булинг е една од најактуелните и најболни теми на нашето општество, Ивона во кусиот разговор за „Еспресо“ рече дека и таа самата била жртва.
-Цел живот сум била жртва на булинг, и можам да кажам дека плодот кога ќе се избориш со сето тоа е многу сладок, но сите што го доживуваат истото, треба да се борат и да бидат истрајни. Никако, никако откажување. Без разлика на децата кои вршат булинг, сите, и тие деца имаат проблеми, и најдобро е во тој случај да се пристапи со љубов. Љубовта е одговор на сѐ “ ни изјави Ивона. На нашето прашање, дали таа сега е среќна во љубовта, Ивона одговори:
– Па, среќна сум. Среќна и исполнета“, ни кажа пејачката.
Во спотот се појавува машки лик за кој Ивона рече дека е манипулативниот партнер, а ова искуство, таа самата го има доживеано.
-Целата песна ми е автобиографска. Сите партнети ми биле манипулативни, и тие не се дел од мојот живот моментално, но секој од нив ме има научено на нешто и им благодарам. За секој кој има влезено во мојот живот, јас сум му благодарна, затоа што има направено да сум јас- јас, а јас сум овој проект буквално“, ни раскажа Ивона и додаде дека едвај ги чека реакциите на српската публика по промоцијата на песната и на тамошниот пазар.
Сценариото на спотот го направи самата Ивона (со поддршка од Тамара Волческа и Мартин Трајановски. Песната е снимена во Белград. Музиката и аранжманот се дело на српскиот продуцент и пејач Немања Антониќ, додека за текстот е заслужен Иван Вукајловиќ.
Антониќ ѝ се обрати на публиката на видео бим, и ѝ порача на Ивона да се опушти и да ја негива своја добра душа, гласот, креативноста и талентот. Во видео записот како актери се појавуваат Тамара Волческа, Цеце Николова и три девојки од Србија – Ирена Јовановиќ, Ана Илиќ и малата Јана Зариќ која беше најмалата гостинка на промоцијата. „Буквално, горда сум на тебе мамо“, е пораката која е напишана на елечето на миленикот на Ивона.
Фото: „Еспресо“
