Последниот филм од франшизата „Џејмс Бонд“ со Даниел Крег (52), именувана како „No time to die“ требаше да стане најпрофитабилниот филм за тајниот агент на сите времиња…
Требаше, но сега е прилично сигурно дека нема да биде, бидејќи коронавирусот го „парализираше“ азискиот пазар…
Последното продолжение во кината пристигнува на почетокот на април, подготвена е и голема светска турнеја, која, поради заканите од коронавирусот, е откажана. Кинеските власти затворија повеќе од 70.000 кино сали ширум државата, па продуцентите одлучија да го откажат доаѓањето на акерот во Кина. Дури и вирусот мистериозно да исчезне од планетата, пишува „Daily Mail“, ѕвездите од филмот не би добиле дозвола од доктор и осигурителните компании за заминување во Кина…
Со светска заработка од 1,1 милијарди долари, титулата за најпрофитабилен филм за господинот Бонд ја држи „Skyfall“ од 2012 година, а „No time to die“ требаше да ја надмине таа цифра, но како што веќе напишавме, тоа најверојатно нема да се случи поради очекуваните загуби на големиот азиски пазар.
Од Кина и останатите држави од истокот се очекуваше дека филмот ќе донесе заработка меѓу 150 и 300 милиони долари, што сега звучи како невозможна мисија.
