„Јас сум малку физички оспорен, што е многу фрустрирачко, бидејќи би сакал да свирам со мојот син“, рече тој во ретко интервју на „Би-Би-Си Појадок“ со неговите колеги од групата „Генезис“.„Едвај држам стапче со оваа рака, така што има одредени физички работи што ме попречуваат“, додаде музичарот.
Колинс, сè уште е фронтмен на бендот и главен вокал, но како што спомена за „Би-Би-Си“, неговиот 20-годишен син Ник ги презеде тапаните поради здравствени проблеми.
Колинс претрпе неколку здравствени проблеми со текот на годините поради повреда на ‘рбетот. Тој се здоби со повреда на ‘рбетот во доцните 2000-ти, и прво откри дека мора да престане да свири на тапани како резултат на тоа уште во 2009 година.
„Пршлените ми го притискаа ‘рбетниот мозок поради положбата во која удирам на тапани. Тоа се случува од долгогодишно свирење. Јас дури и не можам правилно да ги држам стапчињата без да биде болно. Дури и ги лепев стапчињата на моите раце за да можам да продолжам“, според написот на „Daily Mail“.
