Филип Арсовски, новото момче на познатата пејачка Елена Ристеска важи за еден од најпосакуваните ергени во нашата метропола.
Девојките буквално кубат коси по него, а доста е популарен и на социјалните мрежи каде најчесто објавува фотографии од себе.
Филип споделува фотки на кои позира како вежба, а во преден план секогаш е мускулестото тело и тетоважите кои ги има во значителен број.
Инаку за врската на Филип и Елена не престанува да се зборува. Двајцата се топ-тема низ градските кулоари, а нивни заеднички пријатели велат дека двајцата се заљубени до уши.
– Сега многу им олесна и на двајцата откако објавија во сите медиуми. Повеќе немаат причина да се кријат. Елена не ја препознавам, заљубена е како никогаш до сега, а ја знам повеќе од 10 години – вели изворот кој сакаше да остане анонимен.
Веруваме дека многу девојки сега и завидуваат на Ристеска, но редно време беше и таа да се заљуби…
