Ријалити ѕвездата и една од сестрите од кланот Кардашијан, Кајли Џенер, објави на Инстаграм слика со својот дечко Тревис Скот, а обожавателите поставија еден куп прашања во врска со тоа.
Иако до скоро се сликаше во костими за капење и ја покажа целата фигура, па дури и стомакот, Кајли за оваа прилика облече широко розево палто. Таа на сликата е во прегратка на Тревис, а тој својата рака ја поставил на нејзиниот стомак, што многумина ги наведе да помислат дека кајли е во блажена состојба.
„Дали вие го чекате своето второ дете“, „Дали да очекуваме ново бебе од вас“, „Колку романтично, сигурно имате добра причина за славење, дали е тоа бебе“, гласеа само неколку од многуте коментари на нејзините обожаватели.
Некои не беа толку сигурни во бременоста, но сепак коментираа дека би сакале тоа што побрзо да се случи.
Кајли и Тревис своето прво бебе, ќерката Сторм ја добија минатата година, а гордата мајка долго од јавноста криеше дека е бремена.
Дали повторно ќе биде така, останува да видиме.
