Откако се вериле, пејачката Џенифер Лопез и поранешниот бејзбол играч Алекс Родригез не престануваат да ги полнат насловните страници со детали за нивната врска, како и за наводното неверство на Алекс.
Откако пејачката неодамна се огласи и јавно кажа што мисли за гласините, во последното гостување кај Џими Фелон и поранешниот бејзбол играч ги изненади сите. И тоа со признание како Џеј Ло на некој начин го присилила да се верат.
Имено, пејачката ја објави песната “El Anillo” (Прстен), а Алекс се пошегувал дека тогаш веќе требало да му биде јасно за знаците кои му ги дава Џеј Ло – запроси ме.
Но, тука не е крајот.
“По песната следуваше и нејзиниот филм кој стигнува оваа есен со наслов “Marry Me”, раскажа низ смеа.
Освен тоа, откри детали и за самото запросување.
“Имав прстен, но она што е интересно е дека пред да се спуштам на колено и да ја запросам, три дена по ред го вежбав целиот процес. Сакав заоѓањето на сонцето да биде совршено”, рекол тој и додал дека цело време му помагала неговата асистентка која во текот на подготовките ја глумела невестата. Преслатко зарем не?
