Полициските службеници од Метрополитен породиле жена на улица, а за овој херојски чин како што велат, е врв на нивната кариера.
Тоа било сосема обичен ден за Миа и Том, кои биле во редовна патрола низ градот на почетокот на работниот ден. Тогаш Марко де Карли им пришол на улица и ги замолил за помош.
На неговата сопруга Мартина (36) ѝ почнале породилните поблки среде улица. Полицијата веднаш дошла кај неа со Марко, но немало време да оди во болница.
Тројцата веднаш презеле акција, да ѝ помогнат на Мартина да се породи во такви тешки услови.
„Прекрасно е да се види како функционира нивното семејство. За нас беше привилегија да помогнеме да донесеме нов живот на овој свет“, рече Том.
Од друга страна, на Мартина ѝ било најтешко, но за среќа, се завршило добро.
„Тоа беше страшно и убаво искуство во исто време. Благодарение на овие прекрасни луѓе кои ми помогнаа, ја почувствував најголемата среќа во животот. Нивната грижа ни помогна да се чувствуваме многу удобно, не ми беше страв“, вели Мартина.
Жената додаде дека нема зборови со кои може да им се заблагодари на Том и Мија за се што направиле за нив.
„Нашето семејство ќе ги памети засекогаш“, рече таа.
Извор: Metro
