Го живееме најубавиот период од годината, време на празници, а со тоа и на дарување.
Ако сте избрале подарок за саканата личност и сакате сами да го завиткате за да изгледа автентично, убаво и уредно, а немате селотејп при рака тогаш ова видео е за вас.
Една корисничка на социјалната мрежа „ТикТок“ под корисничкото име „beeandblooms“ покажа како да завиткате подарок во само неколку чекори.
@beeandbloomsReply to @angie.1179 challenge accepted 😉 #wrappinggifts #christmaswrapping #gifts #wrapping #challenge
Имено, важно е подарокот да се стави во кутија. Откако ќе одредите колку хартија за завиткување ви треба, исечете ја на квадрати.
Поставете ја кутијата на хартијата така што нејзините агли да бидат порамнети од сите страни. Преклопете ја хартијата на една од подолгите страни и „повлечете“ го аголот под неа. Постапката повторувајте ја додека не стигнете до последната страна од хартијата, која целосно ќе ја „преклопи“ кутијата.
„Ти имаш „црн појас“ во пакување подароци“, напиша еден корисник. „Не можам да поверувам дека не сум помислила на ова“, беше исто така еден од коментарите.
