За да го спречите отекувањето на нозете во топлите денови, треба листовите од нозете да ги туширате со ладна вода, избегнувајте да ги прекрстувате нозете, не стојте долго во место, а можете да направите и природен напиток кој многу ќе ви помогне.
Топлината може да биде погубна за нозете, бидејќи предизвикува отекување. Доколку пак патувате или долго седите, ваквите проблеми се речиси неминовни.
Доколку често имате проблем со отечени нозе, кога сте дома во слободно време држете ги нозете подигнати.
Овој природен напиток ќе ви помогне да ги отстраните отоците.
Исецкајте листови магдонос и прелијте ги со 4 дл вода, поклопете и оставете ја смесата преку ноќ да отстои. Наутро процедете ја течноста и додадете сок од еден лимон и напитокот е готов. Овој напиток потребно е да го пиете три пати на ден, поделете ја смесата на три еднакви делови.
Можете да пробате и со други рецепти. Во литар вода додадете четири лажици ленено семе и ставете ги на оган да се варат 15 минути, поклопете и оставете да отстојат на топло место еден час, па додадете сок од лимон. Пијте го овој напиток на секој половина час се додека не го испиете. Постапката повторувајте ја десетина дена.
