Пропагандната машина на властите на Северна Кореја постојано е во погон, па поради тоа се мисли дека на тамошните жители никогаш не им е здодевно. Тоа секако важи и за нивниот врховен водач Ким Џонг Ун (36), кој често се фотографира или се снима во различни прилики, без оглед дали посетува фабрика или присуствува на изведба на песна во негова чест. Погледнете ги следниве необични моменти во кои главната улога ја има Ким Џонг Ун.
Ким Џонг Ун ужива во хорски настап
На снимката може да се види Ким, како седи зад катедрата во некоја мала просторија, додека на другата страна се членките на воениот хор. Тие пеат со драматична кореографија и придружба на инструменти. Врховниот водач на прв поглед е збунет, но на крајот ги поздравува со аплауз. Наводно станува збор за сцена од документарец снимен 2019 година, кој трае два и пол часа и ги следи неговите подвизи.
I thought I’d get used to it by now but sometimes I can't get over the fact that this is such a weird country pic.twitter.com/gQqPzNkmh4
— Jeongmin Kim (@jeongminnkim) January 14, 2020
Ким во фабриката за лубриканти
Севернокорејскиот лидер во 2014 годиба, ја посетил фабриката за лубриканти, каде што со возбуда испробувал една од машините. Работникот кој стоел покрај него, пак, не бил многу импресиониран. Ким им се заблагодарил на овие вредни работници во фабриката за производството на лубрикантите, кои порано нивната земја морала да ги увезува.
Отвори тефтерче и забележи
На пропагандните слики од Северна Кореја неретко може да се забележи како припадниците на придружбата на Ким носат тефтерчиња во кои постојано нешто забележуваат.
Таква глетка се забележува на сликата на која се прикажува лидерот во посета на еден бутик пред свеченото отворање во април 2019 година, а слична сцена е видена и во фабриката за детска храна.
Во училиштата децата учат дека Ким на само три години возел кола
Според планот за настава воведен во 2015 година, во основните училишта на Северна Кореја, врховниот водач е претставен дека уште како мало дете возел кола, додека како деветгодишен се тркал со сопственикот на компанија за изградба на јахти од странство, кој бил во посета на Северна Кореја.
Денис Родман му е добар пријател на Ким
Не е новина дека НБА кошаркарот Родман и Ким се пријатели. Кошаркарот во пензија веќе неколкупати ја посетил Јужна Кореја, а посебниот момент се случил 2014 година, кога Родман му посакал среќен роденден на Ким Џонг Ун, пеејќи му роденденска песна.
