Софија Ричи, ќерката на популарниот музичар Лајонел Ричи, веќе две години е во врска со поранешниот партнер на Кортни Кардашијан, Скот Дисик. Иако многумина прогнозираа дека нивната љубовна врска брзо ќе заврши, тие двајца го докажуваат спротивното.
Всушност, главната причина за озборувањата е нивната разлика во годините. Скот има 36, а Софија 21 година, па нивната разлика изнесува 15 години.
За магазинот „Космополитан“ манекенката изјави дека не ѝ се важни туѓите мислења.
„Тоа е навистина чудно, но не ми е гајле што луѓето мислат. Не ми сметаат критиките кои тој и јас ги добиваме преку друштвените мрежи, бидејќи сум среќна. Зошто би дозволила на некој небитен да ми го уништи тоа?“, рече Софија.
Годините не ѝ прават проблем, а и кај нејзините родители ситуацијата е слична, тие се 18 години разлика. Родителите ја поддржуваат врската со Дисик, иако Лајонел на почетокот мислеше дека тоа е само фаза.
„Има 19 години. Кога имате 19 години мислите дека знаете се. Ќе биде ли засекогаш? Не знам, но засега изгледа како фаза и затоа нема да се мешам премногу“, изјави Лајонел пред неколку години.
