Кога ја исправувате косата, најчесто само ја вклучувате пресата и потоа почнувате да ја користите. Се сеќавате ли дали некогаш сте ја исчистиле?
Ако одговорот е „не“, тогаш постапувате неправилно и сосема неодговорно, како кон апаратот, така и кон својата коса.
Поради користењето на средства за заштита од оштетување, но и од самите природни масла на влакното, керамичките плочки на пресата стануваат идеално место за размножување на бактерии. Ако не ги чистите редовно, може да се случи да ја оштетите косат повеќе отколку што сте планирале кога сте намислиле да ја исправите.
Откако ќе завршите со користење, оставете ја пресата да се излади целосно, на безбедна површина. Не ги виткајте каблите околу неа. Максимум на три месеци дезинфицирајте ги плочките. Ако ја користите секојдневно, добро е тоа да го правите и почесто.
