Британецот Џонатан Луис (32) пресреќен ги зел клучевите од својот нов дом во Ливерпул, а потоа бил шокиран од откривањето на кукла со застрашувачка порака.
Откако се вселил во новиот дом, тој одлучил да ја истражи просторијата под скалите. Џонтан, кој исто така е професор, зел чекан и го скршил ѕидот за да најде кукла со порака што му ја замрзнала крвта во вените.
На неа било напишано дека во 1961 година ги избодела првите сопственици на куќата, а потоа: „Се надевам дека спиеш добро“.
„Почитуван нов сопственику, ти благодарам што ме ослободи! Јас се викам Емили. Првите сопственици живееја во оваа куќа во 1961. Не ми се допаднаа, па мораа да си заминат. Тие само пееја и беа среќни. Беше лудо. Мојот избор за нивната смрт беше да ги избодам, па се надевам имаш ножеви. Се надевам дека добро спиеш“, се вели во пораката.
Пријателите на Луис му рекле да ја продаде куќата, а тој дури и не размислува за тоа и смета дека неговото откритие е „смешно“. Иако во писмото пишува дека е од 1961 година, агентот за недвижности му рекол дека куќата е изградена пред само четири или пет години и дека хартијата на која била пораката, не изгледа стара.
Извор: „DailyMail“
