Иако оваа година допрва започна, сезоната на холивудските доделувања на награди веќе најави неколку трендови кои редовно ќе ги гледаме на црвениот тепих годинава.
Еден од нив доби одобрение и од славната актерка и пејачка Џенифер Лопез.
За време на доделувањата на филмските награди „Spirit Awards“, во Санта Моника, популарната Џеј Ло се појави во фустан кој стана неочекуван хит помеѓу познатите дами.
Во долг, правилно одмерен фустан до под, оваа година имавме прилика да видиме неколку пејачки, а Џенифер сега го потврди трендот во гламурозен виолетов модел со потпис на модната куќа Валентино.
Фустанот го комплетираше со металик сребрен каиш и еднакво блескава виолетова чанта, што дури и за неа претставуваше едно нетипично издание, со кое сепак ги украде сите погледи.
Иако Џенифер и уште неколкуте влијателни дами, кои се појавија во вакви долги фустани, се доволен доказ дека ова моментално е најпосакуваниот избор за совршена модна комбинација на црвениот тепих, не се сомневаме ниту во тоа дека апсолутна потврда за овој тренд ќе добиеме и на вечерашното доделување на Оскарите.
