Освен веќе познатите правила, во Дубаи постојат и помалку познати правила кои не е лошо да ги знаете доколку се најдете во оваа земја. Доколку не ги знаете, би можеле многу да ги навредите вашите домаќини.
Така на пример, дувањето нос на маса се смета за скандалозно однесување, додека сосема прифатливо е чистењето заби со чепкалка.
На маса, исто така, е многу неприфатливо да јадете со лева рака, зашто се смета за валкана, но и никако не треба да ги протегнувате нозете додека јадете, ниту да ги прекрстувате. Ако ги насочите петите кон одредена личност, се смета дека имате лошо мислење за неа.
Пцовките во Дубаи се строго забранети. Ако ве слушне некој дека пцуете, ќе платите казна од околу 2.500 евра, или пак, ќе добиете една година затворска казна.
