– Под влијание на стабилна, сува и РЕЛАТИВНО ТОПЛА воздушна маса од југ во следните шест до седум денови времето во Македонија ќе се задржи стабилно, суво и сончево. Повремено ќе има појава на мала локална облачност. Ќе дува слаб до умерен ветер од северен и од североисточен правец и истиот во понеделник ќе засилува на интензитет. Температурите и понатаму ќе бидат НАТПРОСЕЧНО ВИСОКИ и ќе се искачуваат во интервалот од 19 до 25 степени, додека во почетокот од следната недела истите ќе бидат УШТЕ ПОВИСОКИ и ќе се искачуваат во интервалот од 21 до 27 степени.
Во Скопје и околината продолжува стабилното, суво и претежно сончево време. Ќе дува слаб до умерен ветер од северен правец и истиот во понеделник ќе засилува на интензитет. Максималните температури ќе се искачуваат во интервалот помеѓу 22 и 25 степени. РАНА НАЈАВА: Според последните направени анализи, ПОГОЛЕМО ЗАЛАДУВАЊЕ НА ВРЕМЕТО се очекува за време на следниот викенд кога се очекуваат и врнежи, вели метеопрогнозерот Попоски.
