Популарниот глумец Крис Прат го кажа судбоносното да со ќерката на популарниот Терминатор, Катерин Шварценегер. Свадбената церемонија се одвивала под таинствен вел, како и сите детали што се однесувале на организирањето на венчавката. Семејството се обидело да ја скрие венчавката од очите на јавноста, но папараците сепак успеале да фотографираат.
Било јасно дека нешто се случува штом на имотот Сан Исидро во Монтесито, Калифорнија се појавиле Крис Прат и Катерин Шварценегер.
Овој ранч е познат како еден од најлуксузните имоти, а се протега на повеќе од 500 хектари приватно земјиште кое има поглед на Тихиот Океан.
Активностите како поставување цвеќе и други декорации почнале оклу 10 часот и било јасно дека се подготвува венчавка. Семејството на Шварценегер стигнало околу 17 часот, а обезбедувањето вешто ги криело.
Голем автобус со замаглени стакла ги донел гостите до ранчот. Невестата носела раскошен фустан без прерамки, а имала и долг вел.
Како што пренесоа странските медиуми, највесели на свадбата биле родителите на невестата.
