Питер Бојкун бил фатен на аеродромот Лутон во Лондон со 20.000 цигари. Кога полицијата го уапсила, тој им рекол дека припаѓаат на него и неговата сопруга.
58-годишниот Питер му рекол на судијата дека неговата сопруга и тој во просек пушеле по пет кутии цигари дневно. Цигарите ги купил во Словачка, од каде што е, бидејќи таму се многу поевтини отколку во Британија.
„Никогаш не сум продавал цигари, само ги купувам. Овие цигари треба да ни потрајат за наредните четири месеци“, се бранел пред судијата.
Сепак, ова нема да го спаси од плаќањето казна од 5.800 фунти, за обидот да внесе толку многу цигари во Велика Британија.
Ова не е првпат Питар да биде фатен на граница со голема количина цигари. Имено, пред четири години, му биле запленети 42.000 цигари, а неколку месеци подоцна, уште 21.000 биле пронајдени во неговиот автомобил.
Овој пат бил уапсен на аеродром, а со себе имал една помала и една поголема торба полна со цигари.
„Не можеме да разбереме зошто господинот продолжува да се обидува, кога цигарите му се одземаат секој пат кога се обидува да влезе во земјата“, соопштија од полицијата.
Извор: Metro
