Музичката сензација, 18-годишната Били Ајлиш, во интервју за медиумите откри дека повеќе не чита коментари на социјалните мрежи, посебно оние кои се актуелни на нејзиниот профил на Инстаграм.
Во интервју за Би-би-си, Били Ајлиш доби прашање за тоа дали ги чита сите коментари на Инстаграм кои се однесуваат за неа, а пејачката одговори дека не чита ништо на социјалните мрежи.
– Тоа ми го уништуваше животот, одново и одново – вели славната Били.
Нејзиниот брат Финеас, кој исто така соработува со Били, вели дека и познатите се само обични корисници на социјалните мрежи и ги погодува тоа што таму постојано се пишува за нив.
Во истото интервју, Били и Финеас открија дека песната за новиот Бонд ја напишале и продуцирале за само три дена.
Идејата за оваа нумера ја добиле додека се возеле во автобус, а песната под наслов „No time to die“ веќе доби многу позитивни критики во јавноста.
