Папа рејенас се традиционални перуански полнети компири, еден вид крокет кој се состои од пржено пире од компири наполенто со месо. Полнењето обично се состои од сецкано говедско месо кое се меша со кромид и ким.
Во Перу, типична придружба на папа рејенас е салса Криола (лут креолски сос). Јадењето е популарно како улична храна, но се служи и во ресторани и се подготвува дома. Популарна теорија сугерира дека биле измислени во 1879 година, во екот на Војната на Пацификот, од перуански војници на кои им била потребна издржлива, однапред подготвена храна, па тие го готвеле месото, го зачинувале и го ставале во издлабениот компир, кој подоцна бил пржен и завиткан во крпи.
Како што војниците се враќале дома, јадењето било популаризирано од нивните семејства кои додале свој шмек во основниот рецепт. Денес, јадењето повеќе не е резервирано за Перуанците, бидејќи најголемите готвачи од Перу го промовираа низ целиот свет.
View this post on Instagram
Потребни состојки:
– 1 килограм компири
– ¼ чаша масло
– 450 гр мелено говедско
– 1 кромид, исечкан на коцки
– 2 чешниња лук, ситно сецкани
– 1 лажица доматно пире
– 2 тврдо варени јајца, излупени и исецкани
– ½ чаша суво грозје
– ½ чаша црни маслинки, исечени
– Сол, бибер
– магдонос, сецкан
– брашно
– 2 јајца
View this post on Instagram
Подготовка:
1. Гответе ги компирите во тенџере со врела вода додека не омекнат (околу 20 минути, но зависи од компирот). Излупете ги додека се топли, најбрзо што можете. Истолчете ги веднаш. Додадете сол и бибер. Чувајте ги покриени додека го готвите филот.
2. Во тава загрејте го маслото на висока температура, додајте го кромидот и лукот со мешање, потоа пастата од домати. Додадете месо, сол, бибер. Промешајте и покријте ја тавата. Гответе на тивок оган околу 15 минути, мешајќи повремено. Вклучете тврдо варени јајца, суво грозје, маслинки и магдонос. Исклучете ја токата.
3. Со набрашнети раце месете го компирот неколку секунди. Земете дел од тестото од компир и израмнете го помеѓу рацете. Со лажица ставете дел од полнењето во центарот на кругот на компирот. Затворете го со дополнително тесто од компир и формирајте мала елипса.
4. Ставете го брашното во сад и измешајте ги дополнителните 2 јајца во друг сад. Се поховаат секоја елипса во јајцата, потоа во брашното, протресувајќи го вишокот и се пржат во врела тава со врело масло додека компирот не формира тенка златна кора. Поместувајте ги од време на време за да бидете сигурни дека секоја страна станува златна.
5. Исцедете преку хартија и послужете веднаш со салса Криола.
View this post on Instagram
