– И понатаму продолжува периодот на променливо облачно време со сончеви периоди. Локално ќе има и позначителна облачност, а особено утре во западните предели ќе има услови за слаб локален дожд. Во петок и во сабота, и тоа особено долж Повардарието ќе дува засилен северен ветер, вели нашиот метео прогнозер Славчо Попоски.
Според Попоски, наутро и понатаму ќе биде релативно студено, и минималните температури понекаде ќе се спуштат до околу -2 степени, додека максималните ќе се искачуваат во интервалот од 9 до 16 степени.
И во Скопскиот регион продолжува променливото но релативно суво време. Во петок и во сабота ќе дува умерен до засилен ветер од северен правец, додека максималните температури ќе се искачуваат во интервалот помеѓу 12 и 14 степени.
