– Како што претходно кажавме и најавивме, до крајот на оваа недела продолжува периодот на променливо облачно време со сончеви периоди. Локално ќе има и позначителна облачност, додека услови за локален дожд ќе има во недела. Ќе дува слаб до умерен ветер од јужен и од југоисточен правец, додека температурите наутро ќе бидат релативно ниски и понакеде ќе се спуштат до околу -2 степени, додека максималните ќе се искачуваат во интервалот од 10 до 15 степени, прогнозира нашиот метео прогнозер Славчо Попоски.
И во Скопскиот регион до крајот на оваа недела ќе продолжи променливото време со сончеви периоди. Повремено ќе има и позначителна облачност, а ќе дува и слаб до умерен ветер од југоисточен правец. Температурите ќе се искачуваат помеѓу 13 и 14 степени.
