Софрито е ароматична комбинација од билки и зачини која се користи за зачинување на бројни јадења, но најчесто се користи како основа на која може да се подготви остатокот од јадењето. Иако во денешно време е претежно поврзан со латиноамериканската и карипската кујна, софрито има шпанско потекло и било донесено во Јужна Америка од шпанските колонисти во доцните 1400-ти.
Името софрито на шпански значи да се пропржи нешто на тивок оган. Се користи уште од средновековни времиња во каталонската кујна, а првото спомнување на оваа техника се наоѓа во „Libre de Sent Soví“, која е една од најстарите европски готвачки книги што датира од 14 век.
Првото софрито се викало софрегит и се состоело само од кромид, праз и солено свинско или сланина. Со текот на времето, во комбинацијата почнаа да се додаваат и други состојки, а денес, шпанското софрито обично вклучува пиперки, лук, домати, кромид, маслиново масло.
ВО МАКЕДОНИЈА, КАКО ВО ТУРЦИЈА: „Ѓозлеме“ – бело платно за импровизација со вкусови
Потребни состојки:
- 4 лажици екстра девствено маслиново масло
- 1 мал жолт кромид, исечкан на коцки
- 1 блага, слатка зелена пиперка, исечкана на коцки
- 3 чешниња лук, исечен ситно
- 1 конзерва исечени домати (400гр) или 5-6 свежи домати исечени на коцки
- ½ лажичка црвен пипер
- ½ лажичка оригано
- ½ лажичка ким
- 1 ловоров лист (по избор)
View this post on Instagram
Начин на подготовка:
– Загрејте го маслиновото масло во голема тава на средна температура. Пропржете го кромидот додека не стане проѕирен, околу 7 минути. Додадете ја зелената пиперка и лукот, измешајте да се соединат.
– Додадете ги доматите и зачините во тавата и варете уште 10-15 минути, често мешајќи додека доматите не омекнат и сосот малку не се згусне. Отстранете го ловоровиот лист, доколку го користите, и фрлете го.
– Искористете го веднаш софритото или оставете го целосно да се излади пред да го ставите во тегла(стои до една недела).
На здравје!
